Bakının Yasamal rayonu, İzmir küçəsində yerləşən kafedə yanğın baş verib. Beşmərtəbəli yaşayış binasının birinci mərtəbəsində yerləşən restoranın ümumi sahəsi 96kv.m olan artırma hissəsi və bitişik, fəaliyyət göstərməyən restoranın artırmasının 35kv.m sahədə dam örtüyü yanıb. Yüksək temperaturdan binanın birinci mərtəbəsində vətəndaşa məxsus mənzilin pəncərə çərçivələri yararsız hala düşüb. FHN əməkdaşları alovu söndürüblər. Yanğın zamanı xəsarət alan olmayıb.