Haqqımızda

Kəpəz Müstəqil Teleradio Şirkəti

Gəncə şəhərində fəaliyyət göstərən "Kəpəz Müstəqil Teleradio Şirkəti" 1993-cü ildə yaradılıb və  46-cı kanalla yayımlanıb.

2008-ci ilin iyunun 4-də Kəpəz TV-də yeni dövr başlanıb. Təşkilati-hüquqi forması dəyişdirilən televiziyaya yeni kadrlar cəlb olundu, yeni verilişlər hazırlandı.

2009-cu ilin 4 iyun tarixindən etibarən telekanalın www.kepeztv.az saytı istifadəyə verildi. İzləyicilər həmin vebsayta daxil olaraq ölkədə və regionda baş verən ən son xəbərləri, istədikləri verilişləri izləyə bilərlər...

2008-ci ildən başlanan dəyişikliklərin davamı olaraq Kəpəz televiziyası üçün yeni bina inşa edildi. 2012-ci ilin sentyabr ayından istifadəyə verilən möhtəşəm binada fəaliyyətinə davam edən Kəpəz TV ən müasir televiziya avadanlıqları ilə təchiz olunaraq, “Cinegy” texnologiyası əsasında Azərbaycanda ən böyük avtomatlaşdırılmış yayım sisteminə malik telekanallar sırasına daxil olub.

Kəpəz MTRŞ MMC-də daha bir yenilik isə 93.3 MHz tezliyində Kəpəz FM-in istifadəyə verilməsi olub. 2013-cü ilin fevral ayından yayımına başlayan regionun ilk radiosu bu gün kifayət qədər dinləyici auditoriyası toplamağı bacarıb. Eyni zamanda radionun www.kepezfm.az saytı da dinləyicilərin ixtiyarına verilib. Qazax, Tovuz və Ağstafa rayonlarında 102.7 MHz tezliyində yayımlanan radio bütün dinləyicilərinə ən yaxın yoldaş olub.

Böyük inkişaf yolu keçən “Kəpəz” Müstəqil Teleradio Şirkəti 2014-cü ilin mart ayının 14-də bölgələrdə yerləşən digər 5 televiziya ilə birləşərək (RTV-Xaçmaz, CTV- Lənkəran, ELTV- Yevlax, Kanal S- Şəki və TTV-Tovuz) Milli Teleradio Şurasının keçirdiyi tenderdə iştirak edib. Nəticələrə əsasən Azərbaycan üzrə yayım hüququ əldə olunaraq Region TV-nin yaradılmasına nail olundu. "Region TV" 2014-cü ilin may ayından ümumrespublika yayımına başladı və  yayım mərkəzi Kəpəz TV-nin bazasında yaradıldı. Sonradan  “Region TV ”-nin adı dəyişdirilib  “ARB” olduğundan hal-hazırda  televiziya  “ARB KƏPƏZ ” olaraq fəaliyyətini davam etdirir.

Televiziya  Qərb bölgəsində analoq yayımından tam olaraq rəqəmsal yayıma keçib.  Rəqəmsal yayımda Gəncə şəhəri və ətraf rayonlarda 24-cü kanalda, Qazax, Tovuz və Ağstafa rayonlarında isə 56-cı kanalda və Tovuz şəhərində 36-cı kanalda  ARB Kəpəz  televiziyasını izləmək mümkündür.

Televiziyanın istehsalı olan  “İşgüzar ” informasiya kanalı, “Doğruya doğru” sosial veriliş, “Piyada” intellektual proqramı, “Zirvə” bilik yarışı, “Dostlar” kimi verilişlər tamaşaçıların ixtiyarındadır.  “Kəpəz xəbər”, “Ölkə xəbər”, “Aqronom”,  “Hadisə” isə birbaşa insanların informasiya tələbatını ödəməyə xidmət edir.

 

Şirkətin idarə heyəti :

Kəpəz Müstəqil Teleradio Şirkətinin Baş Direktoru:

Cabarov Fuad Şamil oğlu 

Email: general.director@kepeztv.az

 

Baş Direktorun Müavini :

Dərgahov Nofəl Elbrus oğlu

Email: nofel.dergahov@kepeztv.az

Xüsusi Layihələr departamentinin direktoru:

Dərgahova Günel Namiq qızı

Email: gunel.babaeva@kepeztv.az

Xəbərlər xidmətinin direktoru:

Mehdiyev Fərid Siyavuş oğlu

Email: farid.mehdiev@kepeztv.az