Kiçik dövlət sayılan ailə insanlar arasında ilkin ictimai formadır, millətin gələcək fərdləri orada böyüyür, ilk sosiallaşma və davranış qaydaları da məhz buradan başlayır, yəni böyük toplum olan cəmiyyətin hüceyrəsi o kiçik yuvada yetişir, bununla da güclü bir millətin təməli qoyulur. Necə deyərlər: yüksək cəmiyyəti normal evlərdə, doğru əxlaq görmüş uşaqlar formalaşdırar.

Tohid Abuzərli- Göygöl sakini: “İlk gündən başlanan ömür yolunda kişi və qadın bir-birinə hər zaman hörmətlə, diqqətlə yanaşmalıdır. Mən hər bir ailə quran insanlara tövsiyə edirəm ki, ailə qurmağı öncədən fikirləşib, həyat yoldaşına dəyər versinlər”.

Kifayət Abuzərli- Göygöl sakini:  “35 ildir ailəliyik, çox gözəl yaşamışıq - səssiz, sözsüz. Hamıya arzu edirəm ki, bizim kimi ömür sürsün”.

“Ailə şahların belə girə bilməyəcəyi qaladır”, deyib Emerson. Gəlin biz də o qalamızı elə qoruyaq ki, ora heç kim müdaxilə etməsin.

 Leyla Əliyeva

ƏTRAFLI...