Bakının Binəqədi rayonunda üç avtomobilin toqquşması ilə nəticələnən zəncirvari qəza olub. Mir Cəlal və Hüseyn Seyidzadə küçələrinin kəsişməsində qeydə alınan qəza "Audi", "KİA" və "Toyota" markalı avtomobillərinin iştirakı ilə baş verib. Hadisə nəticəsində iki nəfər xəsarət alıb. Avtomobillərə ciddi ziyan dəyib. Qəzaya uğrayan avtomobillər yoldan götürülərək aidiyyati üzrə təhvil verilib. Əraziyə polis əməkdaşları cəlb edilib.