“Yaşıl dünya naminə həmrəylik ili” çərçivəsində Comərd Qəssab türbəsinin ətrafında yaşıllıq və abadlıq aksiyası keçirilib. “Dünya əhəmiyyətli qədim Gəncə ərazisində tarixi abidələrimizi qoruyaq” adlı ekoloji tədbir 15 iyun - Milli Qurtuluş Gününə həsr olunub. Ərazi, məişət və təsərrüfat tullantılarından təmizlənib. Ətrafdakı qalanın və ətraf mühitin mühafizəsini təmin etmək məqsədilə yeni ağaclar əkilib. Aksiyada şəhər rəhbərliyi, ictimaiyyət nümayəndələri, idarə və müəssisələrin əməkdaşları həmçinin könüllülər iştirak ediblər. 2 saat davam edən ekoaksiyaya 250-dən çox iştirakçı qatılıb.

Aişə Rzayeva