Gəncədə bıçaqlanma hadisəsi baş verib. Hadisə “Mahrasa bağı” adlanan ərazidə yerləşən şadlıq saraylarından birində qeydə alınıb. Qonaqlar arasında mübahisə nəticəsində Göygöl rayon sakini, 1972-ci il təvəllüdlü Kəpəz Əliquliyev, 1983-cü il təvəllüdlü Akif Rüstəmov və 1992-ci il təvəllüdlü Musayev Əli bıçaqlanıblar. Hər üçü xəstəxanaya yerləşdirilib, vəziyyətləri kafi qiymətləndirilir. Gəncə Şəhər Baş Polis İdarəsinin 3-cü Polis Bölməsinin əməkdaşları hadisə yerinə gələrək müvafiq araşdırmalar aparıb. Cinayəti törədən şəxs və ya şəxslərin yerinin müəyyən edilərək saxlanılması istiqamətində əməliyyat-axtarış tədbirləri davam etdirilir.

Azad Mustafayev