Azərbaycan Texnologiya Universitetində yaradılan İctimai Şuranın ikinci iclası keçirilib. İclasda iştirak edən şura üzvlərinin ilk işi cari tədris ilinin yay imtahan sessiyası ilə tanış olmaq olub. Tələbələrin diqqətinin yayınmaması üçün imtahan prosesi xüsusi otaqda monitorlar vasitəsi ilə izlənilib. Şura üzvlərinə İmtahan və Apellyasiya Komissiyalarının fəaliyyətləri ilə bağlı məlumat verilib, cavabların yoxlanılması prosesi izlənilib. Daha sonra ali təhsil müəssisəsinin xarici universitetlərlə əməkdaşlığı, məzun olan tələbələrin işlə təminatı, yüksək bal toplayanların universitetə cəlbi kimi önəmli mövzular müzakirə olunub. Növbəti iclasa kimi səsləndirilən fikirlərin icrası istiqamətində planların hazırlanacağı razılaşdırılıb. Universitetdaxili ictimai Şura Gəncədə fəaliyyət göstərən universitetlər arasında ilk dəfə Azərbaycan Texnologiya Universitetində yaradılıb.

Aişə Rzayeva