Sumqayıt Olimpiya İdman Kompleksində Azərbaycan Basketbol Liqasında 5-ci turun açılış oyunu keçirilib. Turnir cədvəlinin aşağı sıralarında qərarlaşan "Sərhədçi" və "Gəncə" komandaları üz-üzə gəliblər. İki əlavə vaxtın oynanıldığı görüşün yekununda 17 xallıq fərqdən geridönüş edən "Sərhədçi" 109:108 hesablı çətin qələbə qazanıb. Ən məhsuldar basketbolçular "Sərhədçi"dən Brendon Miller - 30 xal, 9 assist, "Gəncə"dən isə Culs Mur 33 xal, 16 ribaundla oynayıb. 5-ci turun digər oyunları noyabrın 24-26-sı tarixlərində baş tutacaq.