Futbol üzrə Azərbaycan millisinin yarımmüdafiəçisi Emin Mahmudovun İsveç yığmasına vurduğu qol AVRO-2024-ün seçmə mərhələsinin 9-cu turunun ən yaxşı qolu seçilib. Bu barədə UEFA-nın saytında aparılan sorğunun nəticələrindən məlum olub. “Neftçi”nin futbolçusu təqribən 45 metrdən qapıya dəqiq zərbə endirərək qapıçı Robin Olseni məyus etmişdi. Matç isə Azərbaycan millisinin 3:0 hesablı qələbəsi ilə başa çatmışdı.