“Erməni diasporunun əlində oyuncağa çevrilmiş Luis Okampo Azərbaycanı dırnaqarası “soyqırımı”nda ittiham edən növbəti qondarma hesabatla çıxış edib. Bu barədə Qərbi Azərbaycan İcmasının bəyanatında deyilib. "Azərbaycan və Ermənistan arasında əldə edilmiş 7 dekabr anlaşması fonunda belə əməllərin məqsədi sülh prosesinə mane olmaqdır. Bir sıra regiondankənar dairələr Cənubi Qafqazda davamlı sülhün bərqərar olmasında maraqlı deyil. Ermənistan əgər sülh istəyirsə, onda ərazisində olan Qarabağ ermənilərinin təxribatçı tör-töküntülərinin Azərbaycana qarşı düşmənçilik fəaliyyətinə son qoymalıdır”, - deyə bəyanatda vurğulanıb.