Bu gündən növbədənkənar prezident seçkiləri ilə əlaqədar müvafiq dairə seçki komissiyası tərəfindən seçicilərə qeydiyyatdan çıxma vəsiqəsinin verilməsi prosesinə başlanılır. Seçki Məcəlləsinə əsasən, səsvermə gününə 45-25 gün qalanadək müvafiq dairə seçki komissiyası tərəfindən seçicilərə qeydiyyatdan çıxma vəsiqəsinin verilməsi təmin edilməlidir. Bu müddət bugündən 2024-cü il yanvarın 13-dək olan dövrü əhatə edir. Ölkəmizdə növbədənkənar Prezident seçkisi 2024-cü il fevralın 7-də keçiriləcək.