Laçın rayonunun yenidən salınan Zabux kəndinə Bakıdan növbəti köç karvanı yola salınıb. Kəndə 25 ailə - 94 nəfər köçürülür. Abşeron rayonunda, Bakı və Sumqayıt şəhərləri ərazisindəki yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət köç karvanına Tərtər, Bərdə, Qax və Lənkərandan ailələr də qoşulur. Beləliklə bugünkü köç də nəzərə alınmaqla Laçın rayonunun Zabux kəndinə 46 ailə, yəni 188 nəfər köçürülüb.