Gəncədə yanğın hadisəsi baş verib. Olay Gəncə xalça kombinatının qarşısında yerləşən 4 nömrəli yataqxanada qeydə alınıb. Gecə saat 4-5 radələrində beşmərtəbəli binanın 1-ci mərtəbəsində baş verən yanğında ümumi sahəsi 20 kvadratmetr olan 1 otaqlı mənzil yanıb. Gəncə Dövlət Yanğından mühafizə bölmələrinin texnikası və canlı qüvvəsi hadisə yerinə gələrək yanğını söndürüblər. Alovun qonşu evlərə keçməsinin qarşısı alınıb. Qonşuların dediyinə görə uzun müddətdir evdə heç kim qalmır. Yanğının baş vermə səbəbləri araşdırılır.