“Critical Infrastructure Defence Challenge 2023” tədbiri çərçivəsində "Kritik informasiya infrastrukturlarının kibermüdafiəsində effektivlik necə təmin edilməlidir?" mövzusunda panel iclası keçirilib. Qeyd olunub ki, kritik infrastrukturların kibermüdafiəsində müəyyən qaydalar və qanunlar müəyyənləşdirilməlidir. Kritik infrastruktur məlumatları və fərdi məlumatlar barədə Qanun artıq hazırlanır və yaxın zamanlarda qəbul olunmalıdır. Hazırda türkiyəli mütəxəssislərlə bir sıra məsələlərdə ölkəmizdə birgə fəaliyyət həyata keçirilir. Artıq Mülki Müdafiə Planında kibertəhdidlər barədə də məsələ öz əksini tapıb. Panel iclası müzakirələrlə davam edib.