Azərbaycan idmançısı Gözəl Zutova Bakıda keçirilən kəmər güləşi üzrə Avropa çempionatının qalibi olub. 38 yaşlı güləşçi +76 kq çəki dərəcəsində bütün rəqiblərinə qalib gələrək, fəxri kürsünün ən yüksək pilləsinə qalxıb. Həmçinin yarışın ilk günündə güləşçilərimizdən Pərvin Hüseynova, Namiq Abbaslı, Eyvaz Baxşıyev, Tərlan Ağayev və Soltan Ağayev gümüş medala yiyələniblər. Milli Gimnastika Arenasında təşkil olunan 3-cü Avropa çempionatı oktyabrın 4-də başa çatacaq.