Tofiq Bəhramov adına Respublika stadionunda baş tutan görüş stardan final fitinədək Qarabağı üstünlüyü şəraitində keçib. İlk hissədə meydan sahibləri bir neçə epizodda qola yaxın olsalar da, gah zərbələrin qeyri dəqiqliyi gah da rəqib qolkiperin inamlı oyunu hesabın dəyişməsinə imkan verməyib. Ağdamlılar ikinci hissədə tempi artırıblar. Ardıcıl hücumlar 56-cı dəqiqədə bəhrəsini verib. Leandro Andrade qapı qarşısına ötürülən topu dəqiq zərbə çərçivəyə  ünvanlayaraq, hesabı açıb. Bu qol həm də matçın taleyini həll edib və “Qarabağ” rəqibinə minimal fərqlə 1:0 hesabı ilə qalib gəlib. Oyundan sonra Qarabağın baş məşqçisi Qurban Qurbanov mətbuat konfransında çıxış edib. “Bilirdik ki, “Qarabağ” hücum futbolu oynayır və bizi öndə sıxacaq. Yaxşı təzyiq göstərməyi bacaran kollektivdir". Bunu “Molde” klubunun baş məşqçisi Erlinq Moe deyib. 53 yaşlı mütəxəssis rəqibin qələbəyə layiq olduğunu bildirib.