Azərbaycan və Rusiyanın sərhəd bölgələrində kompleks əməliyyat-axtarış tədbirlərinə start verilib. "Sərhəd-sipər" şərti adı altında 1 həftə davam edəcək əməliyyatların əsas məqsədi transmilli mütəşəkkil cinayətkar dəstələrin və terrorçu təşkilatların üzvlərinin ifşa edilərək zərərsizləşdirilməsidir. Eləcə də silah-sursatın, partlayıcı maddələrin və qurğuların, narkotik vasitələrin, maliyyə və maddi vəsaitlərin daxilolma kanallarının müəyyənləşdirilib qarşısının alınması sahəsində kompleks tədbirlər icra edilir.