Gürcüstanın Rustavi şəhərində fəaliyyət göstərən İstanbul bazarı ərazisində baş vermiş atışma zamanı 4 nəfər həlak olub. Məlumatı Gürcüstanın Daxili İşlər Nazirliyi yayıb. Hadisə nəticəsində yaralanan daha 1 nəfər isə xəstəxanaya yerləşdirilib. İnsidenti törədən şəxsin hadisə yerində saxlanıldığı bildirilib. DİN yaralı şəxsin və ölənlərdən birinin hücumu törədənin qohumları olduğunu açıqlayıb. Faktla əlaqədar istintaq başladılıb.