Bakının Səbail rayonunda Neftçilər prospektində yol qəzası baş verib. “Changan” markalı avtomobil hərəkətdə olan BMW-yə çırpılıb. “Changan” deformasiyaya uğrayıb, maşında olan sərnişin və sürücü xəsarət alıb. Hadisə yerinə gələn Təcili yardım briqadası xəsarət alan şəxslərə ilkin yardım göstərib. Fakt üzrə Səbail Rayon Polis İdarəsinin əməkdaşları sürücülərin izahatını alıb. Avtomobillər cərimə meydançasına yerləşdirilib.