Yeni Azərbaycan Partiyası tərəfindən prezidentliyə irəli sürülən İlham Heydər oğlu Əliyevin namizədliyi təsdiq edilib. Bu barədə qərar Mərkəzi Seçki Komissiyasının bu gün keçirilən iclasında qəbul olunub. Mərkəzi Seçki Komissiyası YAP-ın növbədənkənar Prezident seçkilərində səlahiyyətli nümayəndələrini də qeydə alıb. YAP Sədrinin müavini-Mərkəzi Aparatın rəhbəri Tahir Budaqov və YAP Sədrinin müavini-Baş nazirinin müavini Əli Əhmədov səlahiyyətli nümayəndələr, Mərkəzi Aparatın rəhbərinin müavini Əhliman Tağıyev isə maliyyə məsələləri üzrə səlahiyyətli nümayəndə kimi qeydə alınıb.