Qarabağda dəqiqliklə həyata keçirdiyiniz antiterror tədbirləri bənzərsiz qələbəni taclandırdı. Şanlı Azərbaycan Bayrağının indi bütün Vətən səmalarında dalğalanması Türkiyə Rvə bütün Türk dünyası üçün böyük sevinc və fərəh mənbəyi olub. Bunu Türkiyə Prezidenti Rəcəb Tayyib Ərdoğan Zəfər Günü münasibətilə Prezident İlham Əliyevə ünvanladığı təbrik məktubunda bildirib. "Vətən uğrunda şəhid olan bütün azərbaycanlı qardaşlarıma Uca Allahdan rəhmət diləyir, qazilərimizə minnətdarlığımı bildirirəm. Azad edilmiş bölgələrdə apardığınız bərpa və yenidənqurma işlərini təqdirlə izlədiyimi və Türkiyə olaraq bu məsələdə də hər zaman yanınızda olmağa davam edəcəyimizi bildirirəm. Ölkələrimizin əmin-amanlığı və rifahı ilə Cənubi Qafqazda davamlı sülh və sabitliyin bərqərar olması istiqamətində bütün addımları bu günə qədər olduğu kimi, bundan sonra da birlikdə atacağıq.", - deyə Rəcəb Tayyib Ərdoğan qeyd edib.