Bu gün UEFA Çempionlar Liqasında qrup mərhələsinin IV turuna start veriləcək. E, F, G və H qruplarında növbəti oyunlar keçiriləcək. Üç komanda pley-offa vəsiqəni rəsmiləşdirə bilər. G qrupunda “Mançester Siti” və “Leyptsiq” qələbə təqdirində 1/8 finalda iştiraklarını təmin edəcəklər. H qrupunda isə “Barselona” buna yaxındır. Gecənin mərkəzi görüşü isə F qrupunda “Milan”  – Pari Sen Jermen komandaları arasında olacaq. Oyunlar Bakı vaxtı ilə saat 21:45 və gecə 12-də başlayacaq.