Göygöldə yol-nəqliyyat hadisəsi baş verib. Olay rayonun Gəncə istiqamətindən girişində qeydə alınıb. Kəlbəcər rayon sakini Tapdıqov Elnur Arıq oğlunun idarə etdiyi “VAZ 21011” markalı avtomobil Gəncə şəhər sakini Soltanov Etibar Ramiz oğlunun idarə etdiyi “Mercedes” markalı maşınla toqquşub. Qəza nəticə VAZ 21011-də olan 3 sərnişin və “Mercedes”in 1 sərnişini xəsarət alaraq Göygöl Rayon Xəstənanasına aparılsa da, vəziyyətləri yüngül olduğundan ambulator müalicə üçün evə buraxılıblar. Hadisə şahidlərinin dediklərinə görə, qəza VAZ 21011 markalı avtomobilin dönmə əməliyyatını düzgün yerinə yetirməməsi səbəbindən baş verib.