Gəncədə Prezident İlham Əliyevin 20 illik fəaliyyətinə həsr olunan konfrans keçirilib. Azərbaycan tarixinin 2003-2023-cü illəri əhatə edən dövrünün şanlı səhifələr açdığına diqqət çəkən natiqlər təməlləri Ulu Öndər Heydər Əliyev tərəfindən atılan müasir Azərbaycanın zəfər yolundan danışıblar. Prezident İlham Əliyevin genişmiqyaslı islahatlar həyata keçirməklə gücləndirdiyi ölkənin dünya miqyasında artan nüfuzundan söz açıblar. Artan iqtisadi və hərbi gücün döyüş meydanında Qarabağ qələbəsi ilə yekunlaşdığı iftixarla vurğulanıb. Konfransda Azərbaycan Milli Elmlər Akademiyasının Gəncə bölməsi tərəfindən hazırlanan “İlham Əliyevin Gəncə şəhərinə səfərləri” adlı kitabın təqdimatı da keçirilib.