Növbədənkənar prezident seçkilərində İlham Əliyevin inamlı qələbəsi Laçın sakinlərinin də sevincinə səbəb olub. Şəhərin mərkəzi küçələrinə çıxan laçınlılar avtomobillərlə yürüş keçiriblər. Şəhər sakinləri sevinc və qürur hisslərini bir-biriləri ilə bölüşüblər.
İşğaldan azad olunmuş Füzuli şəhərində də yürüş keçirilib. Avtomobillər dövlət bayraqları ilə şəhər küçələrində dövrə vurublar. Sakinlər İlham Əliyevin prezident seçkilərində qələbəsini bayram ediblər.

Zəngilan rayonunun Ağalı kəndinin sakinləri də İlham Əliyevin inamlı qələbəsini bayram əhvali-ruhiyyəsində qarşılayıblar. Avtomobil karvanı kəndin mərkəzi küçələri boyunca musiqi sədaları altında yürüş edib. Həmçinin kənd sakinləri mərkəzdəki istirahət parkına toplaşaraq, sevinc hisslərini paylaşıblar.