Abşeron rayonu, Qobu qəsəbəsində hərbi sursat aşkar edilib. Fövqəladə Hallar Nazirliyinin minalardan təmizləmə üzrə çevik qrupu əraziyə cəlb edilib. Hadisə yerinə baxış zamanı aşkar edilmiş sursatların döyüş tətbiqinə yararlı 5 ədəd F-1 əl qumbarası, 5 ədəd UZRQM partladıcısı və 25 ədəd 7x62 mm-lik mərmi olduğu müəyyən edilib. Sursatlar zərərsizləşdirilərək ərazidən kənarlaşdırılıb.