İşğaldan azad edilmiş ərazilərə köçürülən 1138 nəfərin məşğulluğu təmin olunub. Əmək və əhalinin sosial müdafiəsi nazirliyindən verilən məlumata görə, hazırda 798 nəfərin məşğulluğa cəlb edilməsi istiqamətində iş aparılır. 2023-cü ilin 1 yanvar tarixindən etibarən işğaldan azad edilmiş ərazilərində işləyən mütəxəssislərin ilkin maddi-məişət şəraitinin dəstəklənməsi üçün birdəfəlik sosial müavinət təsis edilib. Həmin müavinətin məbləği 600 manatdır.