Hacıqabulda polis Şəmkir sakini Namiq Hüseynovu saxlayıb. Ondan çəkisi 2 kiloqramdan artıq olan marixuana və yarım kiloqramdan artıq tiryək aşkar edilərək götürülüb. Hüseynov narkotiki sosial şəbəkə vasitəsilə tanış olduğu İran vətəndaşından əldə etdiyini etiraf edib. Faktla bağlı cinayət işi açılıb, saxlanılan şəxs barəsində həbs qətimkan tədbiri seçilib.