Quba rayonunun Bağbanlı kənd sakini 1937-ci il təvəllüdlü Zöhrə İsmixanovanın öldürülməsi barədə rayon prokurorluğuna məlumat daxil olub. Araşdırmalarla sərxoş olan 1974-cü il təvəllüdlü Zülfüqar İsmixanovun yaşadıqları evdə mübahisə zamanı anası 1937-ci il təvəllüdlü Zöhrə İsmixanovaya odun parçası ilə xəsarət yetirərək onu qəsdən öldürməsinə şübhələr müəyyən edilib. Faktla bağlı cinayət işi başlanıb, Zülfüqar İsmixanov iş üzrə şübhəli şəxs qismində tutulub.