İşğaldan azad edilən ərazilərdə indiyə qədər 115 min hektar ərazi mina və partladılmamış hərbi sursatdan təmizlənib. Minatəmizləmə Agentliyinin İdarə Heyətinin sədr müavini Samir Poladov bildirib ki, prosesdə Türkiyənin minatəmizlənmə avadanlıqlarından da istifadə olunur. Türkiyə istehsalı olan robotlar da işğaldan azad edilən ərazilərdə minatəmizləmə işlərinə cəlb olunub.  Həmin avadanlıqlardan həm piyada, həm də tank əleyhinə olunan minaların məhv edilməsində istifadə olunur.