İşğaldan azad olunmuş ərazilərdə qaz təchizatının bərpası istiqamətində işlər aparılır, yeni infrastruktur qurulur. Bu barədə "Azəriqaz" İstehsalat Birliyindən məlumat verilib. Artıq Laçın şəhəri təbii qazla təmin olunur. Eyni zamanda, Laçın rayonunun əhali köçürülən Zabux kəndinə də qaz verilib. Məskunlaşma olan Füzuli şəhərində də artıq təbii qazdan istifadə edilir və davamlı sürətdə işlər aparılacaq.