Türk Dövlətləri Təşkilatı Lənkəran şəhərinin “2024-cü il Türk Dünyasının Gənclik Paytaxtı”na namizəd kimi irəli sürülməsi ilə bağlı təklifini qəbul edib. Bu barədə Təşkilatın baş katibi Kubanıçbek Omuraliyev bildirib. İsmayıllının Basqal qəsəbəsində Türk Dövlətləri Təşkilatının gənclər və idman nazirlərinin yığıncağı keçirilib. Toplantıda Türk Dövlətləri Təşkilatının təşəbbüsləri nəzərdən keçirilib, Lənkəran şəhərinin "Türk Dünyasının Gənclik Paytaxtı”na namizəd kimi irəli sürülməsi ilə bağlı təklifi razılaşdırılıb.