"Azərbaycanla təhdid dili ilə danışmaq qəbuledilməzdir. Azərbaycana qarşı hər hansı qeyri-dost hərəkət müsbət nəticə verməyəcək və bu cür hərəkətlərə adekvat cavab veriləcək". Bunu Xarici İşlər Nazirliyinin sözcüsü Ayxan Hacızadə ABŞ Dövlət Departamenti rəsmilərinin Azərbaycan əleyhinə bəyanatlarına cavabında deyib. ABŞ Azərbaycan ərazilərinin işğaldan azad edilməsinə, erməni qondarma rejiminin ləğvinə heç vaxt çağırış etməyib. Əksinə, maliyyə vəsaiti ayırmaqla Azərbaycan ərazilərində qanunsuz rejimin saxlanılmasına dəstək verib. Təcavüzkar dövlət Ermənistanı regionumuzda cəsarətləndirmək siyasətinə son qoyulması vacibdir", - deyə XİN rəsmisi qeyd edib.