Türkiyə millisi AVRO-2024-ün seçmə mərhələsində növbəti oyununu keçirib. D qrupunda mübarizə aparan "ay-ulduzlular" səfərdə Xorvatiya yığması ilə qarşılaşıb. Görüş qonaqların qələbəsi ilə başa çatıb. Yeganə qolu 30-cu dəqiqədə Barış Alper Yılmaz vurub. Bu nəticədən sonra xallarını 13-ə çatdıran Türkiyə millisi liderliyə yüksəlib. 10 xalı olan Xorvatiya isə 2-ci pillədə qərarlaşıb. Qrupun digər oyununda Latviya seçməsi doğma meydanda Ermənistana 2 cavabsız qolla qalib gəlib.