"İsraildəki hadisələr zamanı yaralanan şəxslər arasında azərbaycanlı yoxdur". Bunu  Xarici İşlər Nazirliyinin sözcüsü Ayxan Hacızadə deyib. O, nazirliyin Azərbaycanın İsraildəki səfirliyi ilə mütəmadi təmasda olduğunu diqqətə çatdırıb. Ayxan Hacızadə həmçinin vurğulayıb ki, Azərbaycan vətəndaşlarına dövlət qurumlarının verdiyi təlimatlara riayət etmək istiqamətində çağırış ediləcək. İsrail KİV-lərinin məlumatına görə, HƏMAS-ın İsrailə hücumu nəticəsində Sderot qəsəbəsində 5 nəfər ölüb, 100-dən çox insan yaralanıb.