Ermənistanın işğalından azad edilmiş Cəbrayıl və Zəngilan rayonlarının ərazisində bu gün dörd sərhəd zastavasının bərpadan sonra açılışı olub. Soltanlı, Xudafərin, Xələfli və Qumlaq zastavalarında 27 ildən sonra ilk dəfə Azərbaycanın 3 rəngli bayrağı dalğalanıb. Bununla da dörd sərhəd zastavası xidməti döyüş fəaliyyətinə başlayıb. Azadlığa qovuşan dövlət sərhədinin mühafizəsi Dövlət Sərhəd Xidmətinin Sərhəd Qoşunlarının Horadiz Sərhəd Dəstəsinin şəxsi heyəti tərəfindən təşkil olunub.