Oyunlara saat 15:00-da start verilib. İlk turda dünya çempionu Maqnus Karlsenlə xalları yarı bölən Şəhriyar Məmmədyarov ikinci görüşdə Radoslav Voytaşeklə gücünü sınayır. Turnirdə iştirak edən digər iki həmyerlimiz Azərbaycan derbisində üz-üzə gəlir. Belə ki, Teymur Rəcəbov Rauf Məmmədovla qarşılaşır. Turun digər oyunlarında Maqnus Karlsen - David Navara ilə, Veselin Topalov - Aniş Giri ilə görüşür. Sergey Karyakin - Dinq Liren oyunu artıq heç-heçə başa çatıb. İsveçrə sistemi ilə keçirilən yarış 9 turdan ibarət olacaq.