Misli Premyer Liqasının XII turunda “Kəpəz”lə qarşılaşacaq “Karvan-Yevlax” uzun fasilədən sonra doğma stadionda oynayacaq. Klubun vitse-prezidenti Kənan Kərimov bildirib ki, oyun günü açılış mərasimi və konsert proqramı keçiriləcək. Onun sözlərinə görə, komanda matça qələbə hədəfi ilə hazırlaşır və azarkeş dəstəyinin motivasiya baxımından böyük rolu olacaq. Qeyd edək ki, XII turun "Karvan-Yevlax" - "Kəpəz" matçı noyabrın 21-də Yevlax şəhər stadionunda keçiriləcək.