Ballıqaya qətliamı ilə bağlı zərərçəkən şəxslər, onların hüquqi varisləri, şahidlər müəyyən edilməklə dindirilib və müvafiq zəruri sənədlər iş materiallarına əlavə edilib. Hazırda iş üzrə ibtidai istintaq davam etdirilir. Baş Prokurorluğunun İstintaq İdarəsinin Xüsusilə Mühüm İşlər üzrə müstəntiqi Tural Məhərrəmov bildirib ki, erməni silahlı birləşmələri 1992-ci il avqustun 28-də gecə saat təxminən 5 radələrində modeli və markası istintaqa dəqiq məlum olmayan avtomat konstruksiyalı odlu silahlarla Ballıqaya kəndində məskunlaşan 5 ailəyə hücum ediblər. Cinayət işi üzrə hadisə yerinə baxış keçirilməsi ilə müəyyən olunub ki, Laçın rayonundan o vaxtı məcburi köçkün düşən şəxslər Ballıqaya kəndinin dağlıq hissəsində "fin evi" adlanan tikilidə və 4 alaçıqda məskunlaşıblar.