Qarabağ bölgəsində aşkar olunan sursatların bir qismi 2021-ci ildə istehsal edilib. Bu, lokal xarakterli antiterror tədbirlərindən sonra əraziyə baxış zamanı müəyyən olunub. Belə ki, aşkar olunan "TOS-1A" odsaçan sisteminin raketlərindən bəziləri 2 il öncə istehsal edilib. “Kornet” və "Faqot" tank əleyhinə raket komplekslərinin idarə olunan raketlərinin 2020-ci ilin sonunda bağlanan müqaviləyə əsasən Qarabağa gətirildiyi məyyənləşib. Bəzilərinin Ermənistan tərəfindən istehsalçıdan birbaşa göndərildiyi, bəzilərinin isə üçüncü dövlət vasitəsilə satın alındığı məlum olub. Bu faktlar lokal xarakterli antiterror tədbirlərinə qədər Ermənistandan Azərbaycanın Qarabağ bölgəsinə Laçın yolu vasitəsilə qanunsuz hərbi daşımaların həyata keçirildiyinin əyani sübutudur.