Tovuzda Heydər Əliyev prospektində iki yolun kəsişməsində yol nəqliyyat hadisəsi baş verib. İki "Mercedes" markalı avtomobil toqquşub. Hadisə yerinə FHN-nin xilasediciləri, yanğınsöndürən maşınları və təcili tibbi yardım briqadası cəlb olunub. Nəqliyyat hadisəsi zamanı 3 nəfər xəsarət alıb. Bunlar Tovuz şəhər sakini 27 yaşlı Elməddin Mirzəyev, rayonun Bozalqanlı kənd sakinləri 19 yaşlı Gülay və 23 yaşlı Günay Qasımova bacılarıdır.

Onlar dərhal Mərkəzi Rayon Xəstəxanasına yerləşdiriliblər. Vəziyyətlərinin orta-ağır olduğu bildirilir. Hadisə zamanı avtomobildə 1 yaşlı körpə uşaq olsa da, xoşbəxtlikdən o, heç bir xəsarət almayıb.

Faktla bağlı araşdırma aparılır.

Azad Mustafayev