Azərbaycan Ordusunda nümunəvi tabor taktiki təlimi keçirilib. Real döyüş şəraitinə uyğunlaşdırılan təlimdə şərti düşmənin diversiya qrupu zərərsizləşdirilib. Müşahidə postları qurulub və bölmələr tərəfindən yaşayış məntəqələrində axtarış əməliyyatları icra olunub. Təlimin məqsədi taborun döyüşə hazırolma vəziyyətinə gətirilməsi zamanı qərargah fəaliyyəti ilə bölmələr arasında qarşılıqlı əlaqəni təkmilləşdirmək, komandirlərin döyüşü idarəetmə qabiliyyətini artırmaqdır. Qarşıya qoyulan məqsədlərə nail olunub.