“Şuşa ili” çərçivəsində “20 iyul – Beynəlxalq Şahmat Günü”nə həsr olunan yeniyetmə və gənclər arasında şahmat üzrə turnir təşkil olunub. Yarış Gəncə Şəhər Gənclər və İdman Baş İdarəsi, Gəncə Gənclər Evi və Baş İdarə nəzdində fəaliyyət göstərən Şahmat Klubunun birgə təşkilatçılığı, 2 nömrəli Uşaq Gənclər İdman Şahmat məktəbinin dəstəyi ilə baş tutub. Həm qız, həm də oğlan iti zəka sahiblərinin iştirak etdiyi mübarizələrdə 28 həvəskar idmançı qüvvəsi sınayıb. Olimpiya sistemi üzrə keçirilən yarışın yekununda ilk 3 pillədə qərarlaşan şahmatçılara təşkilatçılar tərəfindən hədiyyə və diplomlar, digər iştirakçılara isə sertifikatlar təqdim olunub.