Göygöl rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazalardan silsilə oğurluq etməkdə şübhəli bilinən şəxslər saxlanılıb. Araşdırmalar zamanı məlum olub ki, əvvəllər dəfələrlə məhkum olunmuş Elçin Rüstəmov və Sahib Hüseynov 2021-ci ilin müxtəlif vaxtlarında rayon ərazisindəki 3 mağazanın dam örtüyünü deşərək içəri daxil olub, oradan ümumilikdə 12000 manat dəyərində tütün və gündəlik tələbat malları oğurlayıblar. Daha sonra həmin şəxslər oğurladıqları malları Gəncədə satıblar. Faklarla bağlı Göygöl RPŞ-də cinayət işi başlanılıb.