Müdafiə Nazirliyi Qubadlı rayonunun Dondarlı kəndindən videogörüntülər yayıb.1993-ci ildə Ermənistan Silahlı Qüvvələri tərəfindən işğal edilən yaşayış məntəqəsi 2020-ci il 25 oktyabr tarixində Azərbaycan Ordusunun uğurlu əməliyyatları ilə azad olunub. Dondarlı kəndi Bərgüşad çayının sahilində, Bərgüşad silsiləsinin ətəyindədir. Oykonim qədim türkdilli dondar tayfasının adı ilə bağlıdır.