Gəncədə 1 İyun – Uşaqların Beynəlxalq Müdafiəsi Günü münasibətilə 2 nömrəli uşaq bağçasında tədbir keçirilib. Tədbirdə ölkəmizdə ulu öndər Heydər Əliyev tərəfindən qoyulan uşaq siyasətinin bu gün də uğurla davam etdirildiyi diqqətə çatdırılıb. Rəsmi hissədən sonra uşaqların ifasında milli və xarici rəqslər, vətənpərvərlik mövzularında şeirlər və digər çıxışlar təqdim olunub. Uşaqlar arasında rəsm müsabiqəsi və digər əyləncəli oyunlar təşkil edilib. Sonda tədbir iştirakçıları uşaqların əl işlərindən ibarət sərgiyə baxış keçiriblər.