Xarici işlər naziri Ceyhun Bayramovun BMT-nin Humanitar Məsələlərin Əlaqələndirilməsi Ofisinin rəhbəri Mark Loukok ilə video-konfrans formatında görüşü keçirilib. Tərəflər bölgədə hazırda mövcud olan vəziyyət, üçtərəfli bəyanatların icrası ilə bağlı məsələləri müzakirə ediblər. Azərbaycanın münaqişənin təsirinə məruz qalan bütün ərazilərində BMT və müvafiq Agentlikləri ilə humanitar fəaliyyət sahəsində əməkdaşlığa dair məsələlər ətrafında da fikir mübadiləsi aparılıb.