Gədəbəyə yağan güclü qar çətinliklərə səbəb olub.Hava şəraitinin kəskin dəyişməsi ilə əlaqədar Rayon Polis Şöbəsinin əməkdaşları yollarda təhlükəsizliyin təmin edilməsi və baş verə biləcək xoşagəlməz hadisələrin qarşısının dərhal alınması istiqamətində zəruri qabaqlayıcı tədbirlər görürlər. Polis əməkdaşları yollarda qalmış və yardıma ehtiyacı olan vətəndaşlara bütün köməklikləri göstərirlər. Sürücülərə yollarda sürət həddini aşmamaları və ara məsafəsini gözləmələri tövsiyə olunur.