Xəzər Rayon Polis İdarəsi 3-cü Polis Bölməsi əməkdaşlarının keçirdikləri əməliyyat zamanı narkotik vasitələrin alışı və satışı ilə məşğul olmaqda şübhəli bilinən Bəhruz Salmanov saxlanılıb. Ondan ümumi çəkisi 5 kiloqram 18 qram marixuana aşkar edilib. Müəyyən olunub ki, Salmanov narkotik vasitələri Binə qəsəbəsində yaşadığı evin həyətində əkib-becərərək onlara xüsusi qulluq edib. Daha sonra çətənə kollarını həm şəxsi istifadəsi, həm də satmaq məqsədi ilə qurudub. İstintaq tədbirləri davam etdirilir.