Sərhəd Qoşunlarının “Göytəpə” sərhəd dəstəsinin xidməti ərazisində Yardımlı rayonunun Abbasalı kəndi yaxınlığındakı sərhəd zasta­vasının xidməti sahəsində sərhədboyu zolaqda 4 naməlum şəxsin hərəkəti müşahidə olunub. Sərhəd naryadı onlara “Dayan” komandası versə də, sərhəd pozucuları hadisə yerin­dən qaç­ıb­lar. Qaçaqmalçıların təqibi və hadisə yerinin axtarışı hə­yata keçirilib. Əraziyə baxış zamanı 4 ədəd qara rəngli kisədə təxmini ümumi çəkisi 73 kiloqram olan narkotik vasitələrə və psixotrop preparatlara oxşar maddələr aşkar olu­na­raq götürülüb. Sərhəd pozucularından biri - Yardımlı rayon sakini 30 yaşlı Heydərli Orxan Nizami oğlu yaxalanıb, digər 3 nəfər hadisə yerindən uzaqlaş­ıb. Yardımlı rayon polis şöbəsin əməkdaşları ilə birlikdə keçirilən təxirəsalınmaz əmə­liy­yat-axtarış tədbirləri nəticəsində Yardımlı rayon sakinləri 30 yaşlı Sultanov Eldəniz Arzuman oğlunun və 25 yaşlı Sultanov Orxan Ənvər oğlunun olduqları yer müəyyən edilərək saxlanılıblar. Digər sərhəd pozucusunun axtarışı davam etdirilir.